शीतल यांचे प्रदर्शन

चित्रकार शीतल यांचे ‘स्त्रीत्व – The Story of Every Woman’ हे चित्र प्रदर्शन जहांगीर आर्ट गॅलरी येथे दि १२ ते १८ डिसेंबर दरम्यान आयोजित करण्यात आले आहे. शीतल या रहेजा स्कूल ऑफ आर्ट आणि जेजे स्कूल ऑफ आर्टच्या विद्यार्थिनी आहेत. शीतल यांची चित्रे वास्तववादी शैलीत चितारलेल्या स्त्रीच्या विविध रूपांचे चित्रमय दर्शन घडवतात. विविध स्त्री रूपे आपल्या चित्र माध्यमातून साकारताना शीतल यांनी त्यात स्त्री मनातील सुलभ भावना, संकल्पना, जाणीव आणि अनुभव ह्यांचा कलात्मक समावेश केला आहे.
या प्रदर्शनाची वेळ सकाळी ११ ते संध्याकाळी ७ वाजेपर्यंत आहे. कला रसिकांनी या प्रदर्शनास भेट द्यावी असे आवाहन शीतल यांनी केले आहे.