ठाणे स्कूल ऑफ आर्टचे प्रदर्शन

ठाणे येथील ठाणे स्कूल ऑफ आर्टचे वार्षिक कला प्रदर्शन दि 4 व 5 मार्च 2023 दरम्यान ठाण्याच्या हिंदुहृदयसम्राट बाळासाहेब ठाकरे स्मारक कलादालन येथे आयोजित करण्यात आले आहे. या प्रदर्शनाचे उदघाटन दि 3 मार्च रोजी संध्याकाळी चार वाजता ठाण्याचे माजी महापौर नरेश म्हस्के यांच्या हस्ते होईल. कार्यक्रमाचे प्रमुख पाहुणे म्हणून जेजे स्कूल ऑफ आर्टचे डीन विश्वनाथ साबळे उपस्थित असतील.
या प्रदर्शनाच्या निमित्ताने दि 4 मार्च 2023 रोजी चित्रकार राकेश सूर्यवंशी यांच्या प्रात्यक्षिकाचे आयोजन सकाळी 11 वाजता करण्यात आले आहे. तर दि 5 मार्च 2023 रोजी चित्रकार अभिजित पाटोळे यांच्या प्रात्यक्षिकाचे आयोजन सकाळी 11 वाजता करण्यात आले आहे.
कला रसिकांनी प्रदर्शनास भेट देऊन विद्यार्थ्यांना प्रोत्साहन द्यावे असे आवाहन ठाणे स्कूल ऑफ आर्टचे प्राचार्य दिनेश सुतार यांनी केले आहे. प्रदर्शनाची वेळ सकाळी 11 ते संध्याकाळी सात वाजेपर्यंत आहे.

*****