कार्त्यायनी मेनन यांना पुरस्कार

जहांगीर आर्ट गॅलरीच्या सेक्रेटरी कार्त्यायनी मेनन यांना नायर समाज वेल्फेअर असोसिएशनतर्फे ‘वूमन ऑफ इन्स्पिरेशन’ हा पुरस्कार मुख्यमंत्री एकनाथ शिंदे यांच्या हस्ते दि २२ जानेवारी २०२३ रोजी प्रदान करण्यात आला. नायर कम्युनिटी वेल्फेअर असोसिएशनच्या रौप्य महोत्सवानिमित्त या कार्यक्रमाचे आयोजन करण्यात आले होते. कार्यक्रमास विधानसभा सदस्य प्रताप सरनाईक यांची प्रमुख पाहुणे म्हणून उपस्थिती होती.

कार्त्यायनी मेनन या तब्बल ५१ वर्षे जहांगीर आर्ट गॅलरीसाठी काम करत आहेत. १९९० मध्ये त्या जहांगीर आर्ट गॅलरीच्या सचिवपदी विराजमान झाल्या. त्यानंतर त्यांनी गॅलरी आणि कलाक्षेत्रासाठी अनेक अभिनव उपक्रम सुरु केले. कलाक्षेत्रातील या कामगिरीसाठी त्यांना ‘वूमन ऑफ इन्स्पिरेशन’ हा पुरस्कार प्रदान करण्यात आला आहे. ‘वूमन ऑफ इन्स्पिरेशन’ पुरस्काराबद्दल कार्त्यायनी मेनन यांचे चिन्ह आर्ट न्यूज परिवारातर्फे अभिनंदन.

****