मिलिंद साठे यांचे निधन

चित्रकार मिलिंद साठे यांचे दि १० फेब्रुवारी २०२३ रोजी निधन झाले . ते इंडिया आर्ट गॅलरीचे संस्थापक होते. इंडिया आर्ट गॅलरीच्या जागेमध्ये आता दर्पण आर्ट गॅलरी सुरु आहे. मिलिंद साठे हे कला आणि कलाकारांना ओळखणारे होते. अनेक चित्रकारांच्या चित्रांची ऑनलाईन पद्धतीने त्यांनी विक्री करून दिली होती. त्यांचे विक्री कौशल्य उत्तम होते. रावसाहेब गुरव, सुधाकर चव्हाण, विजय कदम, आर.डी. कांबळे यासारख्या महाराष्ट्रातील अनेक चित्रकारांना साठेंनी व्यासपीठ मिळवून दिले. हुसेन यांचे चित्र प्रदर्शन त्यांनी पुण्यात भरवले. खरं पाहता हुसेन यांचे प्रदर्शन पुण्यात भरवणे हे खूप अवघड आव्हान होते, पण ते त्यांनी करून दाखवले. पुण्यात चित्रकलेला त्यांनी उत्तम व्यासपीठ मिळवून दिले. आपल्या गॅलरीत चित्रकलेचे वर्ग आयोजित करून कला सामान्य लोकांपर्यंत त्यांनी पोहोचवली.
कला रसिक, जिद्दी चित्रकार मिलिंद साठे याना चिन्ह आर्ट न्यूज परिवारातर्फे श्रद्धांजली.

****