रविमुकुल यांच्या शब्दात चित्रकार जी.ए. !

ज्येष्ठ कथाकार जी. ए. कुलकर्णी यांच्या सुरु होत असलेल्या जन्मशताब्दीवर्षानिमित्त ‘लोकसत्ता’च्या दि. १० जुलै २०२२च्या ‘लोकरंग’ पुरवणीत चित्रकार रविमुकुल यांनी त्यांच्यावर अतिशय माहितीपूर्ण असा लेख लिहिला आहे. जी. ए. कुलकर्णी हे कथाकार म्हणून तर प्रसिद्ध होतेच, पण त्यांच्यातल्या चित्रकारासंबंधात फारशी माहिती उपलब्ध नव्हती. एखाद दुसऱ्या लेखामध्ये त्याचा उल्लेख कुणी केला असेल तर, पण प्रख्यात चित्रकार रविमुकुल यांनी या लेखातून जी.एं.च्या या आगळ्यावेगळ्या छंदावर प्रकाशझोत टाकला आहे. जी. ए. कुलकर्णी यांच्यासारखी मनस्वी माणसं किती अलौकिक आयुष्य जगतात हे रविमुकुल यांनी अतिशय कमी शब्दात स्पष्ट करून सांगितलं आहे.

https://epaper.loksatta.com/3531634/loksatta-mumbai/10-07-2022#page/24/2