यात सहभागी व्हा आणि प्रत्येक अपडेट्स मिळवा !

कलाक्षेत्रातील विविध प्रश्नांसंदर्भात आम्ही जी अत्यंत सडेतोड अशी भूमिका घेतो आहोत तिच्यामुळे समाजमाध्यमांवर आम्हाला नव्या चित्रकारांचाच नाही तर नव्या नव्या कला रसिक आणि वाचकांचा देखील मोठ्या प्रमाणावर प्रतिसाद मिळू लागला आहे. हा प्रतिसाद पोस्टना मिळणाऱ्या रिच,लाईक्स आणि कमेंट्समुळे आम्हाला सतत जाणवत राहतो. इतकंच नाही तर कला रसिकांना माहिती देण्यासाठी आम्ही जे एकतर्फी व्हाट्सअप ग्रुप चालवतो त्यात ज्या संख्येने कला रसिक आणि कलावंत सहभागी होत आहेत त्यावरुन देखील आम्हाला त्याची कल्पना येते.

१ एप्रिल पासून आम्ही वेबसाईटमध्ये मोठ्या प्रमाणावर बदल करत आहोत. कलाक्षेत्रासंबंधीची सर्वच माहिती आम्ही आता अधिक परिपूर्ण रीतीने देणार आहोत. त्याच बरोबर फीचर्स आणि बातम्या देखील नियमितपणे देण्याचा प्रयत्न करणार आहोत. यु ट्यूबवर प्रसारित होणाऱ्या व्हिडिओच्या प्रसारणाबाबत देखील तोच नियमितपणा पाळण्याचा आम्ही प्रयत्न करणार आहोत. त्याच बरोबर ‘चिन्ह’ आर्ट न्यूजचं इंग्रजी प्रसारण देखील याच महिन्यात आम्ही सुरु करणार आहोत.